Andrey Shipilov: "Surxon" yaxshi jamoa, lekin hech kimdan qo‘rqmaymiz!

Bir necha soat oldin Coca-Cola Superliganing yangi mavsumi uchun qur’a tashlanganidan xabardorsiz.

Unga ko‘ra, “Metallurg” klubi ilk turni Termizda “Surxon”ga qarshi o‘tkazadigan bo‘ldi. Bekobodliklar ustozi Andrey Shipilov sports.uz uchun o‘zining fikrlari bilan o‘rtoqlashdi.

- Bilasizmi, hozirgi paytda hamma raqiblar bir xil holatda. Qora tulporlar! “Surxon” yaxshi jamoa. Bu qiziqarli o‘yin bo‘ladi. Ammo 5-turdan keyingina kim favoritligi aniq bo‘ladi deb o‘ylayman. Albatta, hamma raqibni hurmat qilamiz, ammo biz hech kimdan qo‘rqmaymiz, - dedi Shipilov.