"Andijon" RPL klubiga yirik hisobda engildi
Turkiyada o‘quv-mashg‘ulot yig‘inini davom ettirayotgan "Andijon" klubi bugun Antaliyada Rossiyaning “Fakel” jamoasiga qarshi maydonga tushdi. Ushbu uchrashuvda "burgutlar" raqibiga 1:4 hisobida imkoniyatni boy berdi.
Hamyurtlarimizning yagona golini Shahboz Erkinov kiritdi. Rossiyaliklarning 4 goliga Evgeniy Markov (dubl, bittasi penaltidan), Matvey Ivaxnov (pen) va Kondromashin mualliflik qildi.
Bundan oldingi bahsda andijonliklar Ruminiyaning "Chiksereda" klubi bilan nursiz durang qayd etgandi - 0:0.
Fikrlar