Alderveyreld koronavirusga chalingan bemorlarga planshet sovg‘a qiladi

“Tottenxem” himoyachisi Tobi Alderveyreld koronavirus bilan og‘riyotgan bemorlarga elektron planshetlar xayriya qilishni rejalashtirmoqda.

“Virus sababli ko‘plab cheklovlar mavjud, ayniqsa odamlar bilan aloqa qilish borasida. Bemorlar o‘z do‘stlari va oila a’zolari bilan ko‘risha olishmaydi. Ular faqatgina videomuloqot orqali yaqinlari bilan gaplashishlari mumkin. Shu bois men planshetlar sotib olib, ularni kasalxonalarga tarqatmoqchiman. Shunday qiyin davrda bu ularga engillik tug‘diradi”, - deydi belgiyalik futbolchi.