Abdusattorov Karuanaga qarshi o‘ynadi. Sindarovda qanday natija?

Niderlandiyaning Veyk-an-Ze shahrida shaxmat bo‘yicha nufuzli "Tata Steel Chess 2023" turniri davom etmoqda.

Kecha o‘tkazilgan 2-tur bellashuvlarida masters guruhida ishtirok etayotgan hamyurtimiz Nodirbek Abdusattorov nomdor shaxmatchi, AQSh vakili Fabiano Karuana bilan, shuningdek chelenjerlar tasnifida g‘oliblik uchun bahs olib borayotgan Javohir Sindarov serbiyalik Velimir Ilich bilan durang o‘ynadi. 

Bugungi 3-turda Abdusattorov hindistonlik iqtidor Gukeshga qarshi, Sindarov esa boshqa bir hindistonlik Rameshbabu Vaishaliga qarshi dona suradi.