Xarri Keyn "Tottenxem"dan ketish haqida o‘ylay boshladi

Londonning "Tottenxem" klubi hujumchisi Xarri Keyn jamoasini o‘zgartirish borasida o‘ylay boshladi. Bu haqda Tribalfootball nashri xabar bermoqda.

Unga ko‘ra “shporlar”ning jiddiy sovrinlar uchun kurasha olmasligi 25 yoshli angliyalik futbolchini ranjitmoqda. Shu bois Keyn uzoq vaqtdan buyon o‘ziga jiddiy qiziqish bildirayotgan “Real” Madridga o‘tishni ko‘zlamoqda.

Ma’lumot uchun, Keyn asli “Tottenxem” tarbiyalanuvchisi hisoblanadi. U jamoaning asosiy tarkibida 2011 yildan buyon to‘p surib kelmoqda. O‘tgan davr mobaynida 225ta bahsda ishtirok etgan va o‘z hisobiga 147ta gol hamda 23ta golli uzatma yozdirib qo‘yishga erishgan.