Riberi safga qaytdi

Myunxenning "Bavariya" klubi yarim himoyachisi Frank Riberi umurtqa pog‘onasidan olgan jarohatidan sog‘ayib safga qaytdi. Bu haqda klub rasmiy sayti xabar bermoqda.

Berilgan ma’lumotlarga ko‘ra 35 yoshli frantsuz jamoaning umumiy guruhida shug‘ullana boshlagan va u Bundesliganing navbatdagi “Maynts”ga qarshi bahsida ishtirok eta oladi.

Ma’lumot uchun, Riberi joriy mavsum “Bavariya” safida jami 10ta o‘yinda maydonga tushgan va jamoasining 1ta goliga assistentlik qilishga erishgan.