Ot sporti. Mamlakatimizda konkur bo‘yicha Jahon kubogi saralash bosqichi start olmoqda

27-29 aprel kunlari Toshkent viloyatidagi «Allyur» ot sporti bazasida konkur bo‘yicha Jahon kubogining I saralash bosqichi bahslari o‘tkaziladi.

Ertaga, 27 aprel kuni musobaqa boshlanishi oldidan matbuot anjumani tashkil qilinadi. Soat 11:00dan so‘ng bellashuvlarga start beriladi. 28 aprel kuni tantanali ochilish marosimi bo‘lib o‘tadi.

Bahslarda Qirg‘iziston va Qozog‘istondan tashrif buyuradigan chavandozlar ham o‘z omadlarini sinab ko‘radilar. Umumiy qatnashchilar soni esa 100ga yaqin bo‘lishi kutilmoqda.