Lukaku: Mourinoni hurmat qilishlari kerak

"Manchester Yunayted" klubi forvardi Romelu Lukaku jamoa bosh murabbiyi Joze Mourinoning sha’niga bildirilayotgan ko‘plab e’tirozlar o‘rinsizligini ta’kidladi.

“Nima uchun bosh murabbiyni tanqid qilish boshlanganiga tushunmayapman. Ba’zi murabbiylarni umuman tilga olishmaydi, Mourino esa hamisha bosim ostida. Odamlar uni ko‘proq hurmat qilishlari kerak deb hisoblayman”, - deydi belgiyalik futbolchi.

Eslatib o‘tamiz, premer-liganing dastlabki 4ta turida 2ta g‘alaba va 2ta mag‘lubiyat qayd etgan MYu 6 ochko bilan hozircha musobaqa jadvalining 10-pog‘onasida bormoqda.