11 yil o‘tgach, ular yana uchrashadi!

 MMA ning mashhur rossiyalik jangchisi Magomed Ismoilov bo‘lajak raqibi Anatoliy Tokovning unga yo‘llagan murojaatiga izoh berdi.

9 mart kuni sportchilar Moskvada revansh o‘tkazishadi. 2013 yilda bo‘lib o‘tgan birinchi jangda Tokov g‘alaba qozongan edi.

“Yaratganni o‘zi qo‘llasin, bizda hech qanday jarohatlar yo‘q. Ikkimiz ham tayyormiz. Chiroyli va yaxshi jang o‘tkazamiz", – dedi Tokov.

“Anatoliyga yutqazganimda xafa bo‘lgandim. Lekin men uni shaxs sifatida taniganimda, vaziyatdan osongina chiqib ketdim ! 9 mart kuni, 11 yil o‘tib, biz ACA da yana uchrashamiz va men g‘alaba qozonish uchun hamma narsani qilaman !”, — deb yozdi Ismoilov ijtimoiy tarmoqlardagi sahifasida.