Зиркзе қишда Италияга қайтиши мумкин

"La Gazzetta dello Sport" нашрининг хабарига кўра, "Рома" бош мураббийи Жан Пьеро Гасперини анчадан буён нидерландиялик ҳужумчи Жошуа Зиркзе билан ишлашни хоҳлаган.

Ҳозирда "Манчестер Юнайтед" сафида тўп сураётган Зиркзе бу мавсумда жуда кам ўйин амалиёти (100 дақиқадан кам) олгани учун норози. У Жаҳон чемпионатини ўтказиб юборишдан қўрқмоқда ва агентидан янги жамоа топишни сўраган — ҳатто бу ижара асосида бўлса ҳам.

"Рома" учун бу вариант жуда мақбул саналади. Шунингдек, Зиркзега "Вест Хэм" ва "Эвертон" клублари ҳам қизиқиш билдирмоқда.