"Зенит"дан коронавирус чиқди

Санкт-Петербургнинг "Зенит" клубида коронавирус билан боғлиқ камида 3 та ҳолат қайд этилди.

"Мутко Против" телеграм канали тарқатган хабарга кўра, ёшлар жамоаси аъзоси Даниил Шамкин ва клуб ходимида вирус аниқланган. Яна бир нечта одам карантинга олинган. Аммо, асосий таркибнинг бирорта аъзосида Covid-19 аниқланмаган.

Эслатиб ўтамиз, “Зенит” эртага “Локомотив”га қарши Россия Суперкубоги учун майдонга тушади.