“Ювентус” шу ҳафта “Рома” футболчисини сотиб олганини эълон қилмоқчи

“Ювентус” шу ҳафта охиригача янги трансферини эълон қилиши мумкин. “Кекса синьора” “Рома”нинг иқтидорли футболчиси Николо Заньолони сотиб олишга яқин турибди.

Рим клуби ярим ҳимоячини сотишга қарши ва у билан шартнома узайтиришни истаган эди. Бироқ Заньоло “бўрилар” раҳбариятига кетмоқчи эканлигини маълум қилган.

“Football Italia” нашри хабарига кўра, Николонинг трансфери бўйича музокараларда якуний босқичда. Аввалроқ “Рома” футболчиси учун 50 миллион евро талаб қилган эди, аммо футболчининг кетиш истаги сабаб бу миқдорни бироз камайтиришга мажбур бўлди.  

Эслатиб ўтамиз, Николо Заньоло ўтган мавсумда Конференциялар лигаси финали доирасидаги "Фейеноорд"га қарши баҳсда "Рома"нинг ғалаба келтирган голига муаллифлик қилган ва шу тариқа ўз жамоасига 2008 йилдан бери илк совринни қўлга киритишга ёрдам берган.