"Yuventus" Opendani ijara asosida o‘z safiga qo‘shib oldi

"Yuventus" "RB Leyptsig" hujumchisi Lois Opendani ijara asosida o‘z safiga qo‘shib oldi. Turinliklar transfer uchun 3,3 million evro to‘laydi, shuningdek 800 ming evrolik bonuslar ham ko‘zda tutilgan.

Ma’lum shartli sport yutuqlariga erishilsa, "Yuventus" belgiyalik futbolchini 40,6 million evro evaziga to‘liq sotib oladi va bu mablag‘ to‘rt yil mobaynida to‘lab beriladi.

25 yoshli Openda o‘tgan mavsum Bundesligada 33 ta o‘yinda maydonga tushib, 9 ta gol urdi.