“Yuventus” Kellini bilan shartnomani 2020 yilga qadar uzaytirmoqchi

Turinning “Yuventus” klubi tajribali himoyachi Jorjo Kellini bilan amaldagi shartnomani uzaytirish borasida deyarli kelishuvga erishdi.

Aytish lozimki, 33 yoshli futbolchining “keksa sinora” bilan amaldagi shartnomasi joriy mavsum so‘nggida o‘z nihoyasiga etardi. Shu bois turinliklar Kellini bilan hamkorlikni davom ettirish masalasini muhokama qilishmoqda. Uning “Yuve” bilan yangi shartnomasi 2020 yilga qadar tuzilishi kutilmoqda.

Ma’lumot uchun, Kellini “Yuventus” safida 2005 yildan buyon to‘p surib kelmoqda. U klub afsonalaridan biri hisoblanadi.