Yaxshiboev jamoasi Polsha Kubogidan chiqib ketdi

Hamyurtimiz Jasur Yaxshiboev to‘p suruvchi Varshavaning "Legiya" klubi bugun Polsha Kubogi chorak finali doirasida "Pyast Glivitse" klubini o‘z uyida mehmon qildi va kutilmaganda 1:2 hisobida mag‘lubiyatga uchradi. 7-daqiqada o‘tkazib yuborilgan tezkor gol hamda bosh murabbiyning kubok bahslariga jiddiy e’tibor qaratmayotgani bugungi mag‘lubiyatga sabab bo‘lgandir, balki.

Shu tariqa, kubokni erta tark etgan varshavaliklar endi bor e’tiborini Polsha Premer-Ligasiga qaratadigan bo‘ldi. Yaxshiboevga hamda uning jamoasiga bu yo‘lda zafarlar tilab qolamiz!