Яқин ўтмишнинг машҳур ҳужумчиларидан бири Уругвай 2-дивизионида иштирок этувчи жамоа бош мураббийига айланди

Уругвайнинг "Атенас" клуби Диего Форланни бош мураббий сифатида таништирди.

Клуб расмий сайтининг хабар беришича, 41 ёшли мутахассис мамлакатнинг 2-дивизионида иштирок этувчи жамоа билан 2022 йилга қадар шартнома имзолаган.

Айтиш керакки, яқин ўтмишнинг энг машҳур ҳужумчиларидан бири бўлган Форлан учун бу мураббийлик фаолиятидаги иккинчи жамоа бўлди. Бундан аввал у "Пеньяроль" клубини бошқарган.

Диего Форлан футболчи сифатида "Манчестер Юнайтед", "Вильярреал", "Атлетико" ва "Интер" каби гранд клубларда ўйнаган.