"Янги тактик схема Файзуллаевга салбий таъсир кўрсатди"

ЦСКА собиқ футболчиси Александр Гришин Москва клуби футболчиси Аббосбек Файзуллаевнинг мавсумнинг иккинчи ярмидаги ўйини ҳақидаги фикрлари билан ўртоқлашди.

Мутахассис фикрича, жамоа тактик схемасидаги ўзгаришлар легионеримизнинг ўйинига салбий таъсир кўрсатган.

"Файзуллаев кўпроқ қанот ҳужумчиси сифатида самарали ўйнайди, у ерда унга осонроқ. Ҳозир эса унинг позициясини ўзгартиришди, бу эса унга ноқулайлик туғдиряпти, баъзида эса, Аббос майдонда йўқолиб қоляпти. Олдин у анча ёрқин ўйнаган эди", — деди Гришин.

Жорий мавсумда Файзуллаев РПЛ ва Россия Кубоги доирасида 32 ўйинда майдонга тушиб, 3 та гол урган ва 7 та голли узатма берган.

21 ёшли юртдошимизнинг ЦСКА билан амалдаги шартномаси 2026-йил ёзигача мўлжалланган. "Transfermarkt" портали маълумотига кўра, Аббоснинг бозор қиймати 8 миллион еврога тенг.