Yangi o‘yinchi bir zarba bilan “Manchester Yunayted”ga rekord keltirdi

Angliya Premer-ligasining yangi mavsumdagi birinchi uchrashuvida “Manchester Yunayted” o‘z muxlislari ko‘z o‘ngida “Fulxem”ni qabul qilib, qiyin g‘alabaga erishdi.

Manchesterliklarga dastlabki uch ochkoni keltirgan golni 87-daqiqada jamoaning yangi a’zosi Shoshua Zirkzee kiritdi.

Zaxiradan o‘yinga qo‘shilgan futbolchining birgina aniq zarbasi manchesterliklarning antiqa rekordini uzaytirdi. Gap shundaki, “Manchester Yunayted” Angliya Premer-ligasida birinchi uchrashuvda g‘alaba qozonish bo‘yicha rekordchi hisoblanadi.

Zirkzee kiritgan gol “Old Trafford” egalari uchun chempionatning ilk bahslaridagi 22-g‘alaba bo‘ldi.

Bu ko‘rsatkich bo‘yicha ikki o‘rinda “Chelsi” bormoqda. “Aristokratlar” o‘z tarixida 20 marta ilk bellashuvda zafar quchgan bo‘lsa, uchinchi pog‘onada borayotgan “Liverpul” hisobida bunday g‘alabalar 18 tani tashkil qiladi.