Яна бир боксчимиз навбатдаги жангини ўтказди

Россиянинг Екатеринбург шаҳрида профессионал бокс турнири давом этмоқда. Ушбу кечада ҳамюртимиз Бахит Абдурахимов рингга кўтарилди. Унга мезбон мамлакатдан Магомед Қурбонов рақиб бўлди.

Бунгача 10 та ғалаба ва 12 мағлубиятни қайд этган Абдурахимов профессионал боксдаги 13-мағлубиятини тан олишга мажбур бўлди.

Тўлиқ 6 раунд давом этган жангда ҳакамлар Магомед Қурбоновнинг ғалабасига бир овоздан қарор қабул қилишди.

Маълумот учун, яна 4 та жангдан сўнг, бешинчисида Равшанбек Умурзоқов WБА Асиа камарини ҳимоя қилиш учун рингга кўтарилади.