Ямал Мбаппени “тахтдан” ағдарди

Европа Чемпионлар лигаси ярим финали биринчи учрашувида “Барселона” ўз майдонида Италия чемпиони “Интер” билан 3:3 ҳисобида дуранг ўйнади.

Голлардан бири каталонияликларнинг ёш юлдузи Ламин Ямал ҳисобига ёзилди. Бу гол янги рекорд сифатида қайд этилди.

Ламин Ямал Чемпионлар Лигаси ярим финал босқичида гол урган энг ёш футболчига айланди. Шу куни у 17 ёш-у, 291 кунлик эди.

Аввалги рекорд ҳозир “Пеал”да тўп тепаётган Килин Мбаппега тегишли бўлган. Франциялик футболчи ПСЖда ўйнаб юрган кезлари, яъни 2017 йили Франция чемпионлари сафида Европа Чемпионлар лигаси ярим финалида гол урган.

Ўшанда 18 ёшц, 140 кунлик бўлган Мбаппе бу босқичда ўз номига гол ёздириб қўйган энг ёш ўйинчи сифатида рекорд ўрнатган эди. Мана энди ўша рекордни испан футболчиси йўққа чиқарди.