Холанддан кейин яна катта трансферлар бор!

“Манчестер Сити” раҳбарияти бош мураббий Хосеп Гвардиоланинг орзусини рўёбга чиқариб, кўп гол уришга қодир тўпурар ҳужумчи – Эрлинг Холанд трансферини ижобий ҳал қилди.

Шунга қарамай, “шаҳарликлар” ёзда яна иккита трансферни мўлжалламоқда.

Daily Mail нашрининг маълум қилишича, Хосеп Гвардиола жамоанинг икки нозик нуқтаси – чап қанот ҳимоячи ва таянч зонага кучли ижрочилар олиб келишни режалаштирмоқда.

“Манчестер Сити” Англия премьер-лигасида навбатдаги чемпионликни нишонлашга яқин турибди. Бироқ, Гвардиоланинг асосий мақсади Европа Чемпионлар лигасида ғалаба қозониш ҳисобланади.