Холанд Роналду ва Мессининг рекордларини янгилай оладими? Футболчининг ўзи жавоб берди

"Манчестер Сити" ҳужумчиси Эрлинг Холанд ўзидан Лионель Месси ва Криштиану Роналду даражасига етиши мумкинми, деган саволга жавоб берди.

"Йўқ. Ҳозир мен дунёнинг энг яхши футболчилари қаторидаман. Лекин улар ўрнатган рекордларни ҳеч ким янгилай олмайди. Ҳатто мен ҳам" — деди норвегиялик футболчи "101 Great Goals" нашрига берган интервьюсида.

Эслатиб ўтамиз, Холанд "шаҳарликлар" сафида учинчи мавсумини ўтказмоқда. У бу вақт ичида жамоа сафида 146 та расмий учрашувда майдонга тушиб, 124 та гол ва 21 та голли узатма муаллифи бўлди.

Англия Премьер-лигасининг янги мавсумидаги илк турда "Сити" сафарда "Вулверхэмптон"га қарши баҳс олиб боради. Учрашув шанба куни, 16 августда бўлиб ўтади.