Xoland o‘z "aybini" tan oldi

“Borussiya” va Norvegiya terma jamoasi hujumchisi Erling Xoland 2022 yilgi jahon chempionati saralash turniri doirasida Gibraltar terma jamoasi darvozasiga uchta to‘p kiritib, norvegiyaliklarning 5:1 hisobidagi g‘alabasini ta’kinladi.

Shunga qaramay, Xoland o‘zi qayd etayotgan natijalardan qoniqmayotganini ham bildirdi.

- Agar o‘yinlar va kiritilgan gollar sonini taqqoslasak, men etarli darajada gol ura olmayotganim namoyon bo‘ladi. Menimcha, urgan gollarim o‘ynagan o‘yinlarim sonidan ko‘p bo‘lishi kerak. Har holda men shunga intilaman, - dedi Xoland.

Xoland Norvegiya terma jamoasi safida 15 ta bellashuvda maydonga tushib, 12 ta gol urgan. “Borussiya” tarkibida esa 64 ta bahsda o‘z hisobiga 63 ta gol yozdirib qo‘ygan.