Xoland "Aston Villa"ga qarshi mag‘lubiyatdan so‘ng fikr bildirdi

Angliya Premer-ligasining 9-turi doirasidagi uchrashuvda "Manchester Siti" safarda "Aston Villa" jamoasiga 1:0 hisobida mag‘lub bo‘ldi.

Mazkur natijadan so‘ng "shaharliklar" hujumchisi Erling Xoland o‘z fikrlarini bildirdi.

"Kuchli raqib va og‘ir stadion. Bizni qo‘llab-quvvatlash uchun kelgan barcha muxlislarga rahmat", — deb yozdi norvegiyalik hujumchi ijtimoiy tarmoqlarda.

Ma’lumot uchun, 9-turdan so‘ng Xosep Gvardiola shogirdlari 16 ochko bilan turnir jadvalida 5-pog‘onada bormoqda. Ular peshqadam "Arsenal"dan 6 ochkoga orqada qolmoqda.