Хави Пике ўрнига ундан зўрини олиб келади

Испания матбуотининг ёзишича, “Барселона” раҳбарияти ёши ўтиб қолаётган Жерар Пике ўрнига жаҳоннинг энг кучли ҳимоячиларидан бирини олиб келадиган бўлди.

Манбаларнинг таъкидлашича, жамоа бош мураббийи Хави Эрнандес Пикенинг ўрнини “Интерда ўйнаётган Милан Шкриньяр эгаллашини истамоқда.

Миланнинг миланликлар билан амалдаги шартномаси ёзда якунланади. Бу ҳимоячи А Серияни тарк этишни режалаштирган ва жамоанинг янги битим бўйича таклифини қабул қилмади.

Шкриньярни қўлга киритиш осон бўлмайди. Мавсум охирида эркин агентга айланадиган юқори савияли ҳимоячини Европанинг энг кучли грандлари қўлга киритишга тайёр турибди.