Хави “Барса” учун энг хавфли футболчилар номини айтди

“Барселона”ни бошқараётган Хави Эрнандес мураббийлик даврида каталонияликлар дуч келган энг хавфли футболчилар номини ошкор қилди.

- Бизга энг кўп қийинчилик туғдира олган ўйинчилар номини айтадиган бўлсам, булар – Маркус Рэшфорд, Винисиус Жуниор ва Карим Бензема, - деди Хави Эрнандес.

Каталонияликлар Карим Бензема ва Винисиус Жуниорга асосан Испания чемпионатида “Реал” билан бўлган “эл-класико”ларда тўқнаш келган.

Маркус Рэшфорд эса, ўтган мавсумда Европа лигаси доирасида “Барселона”га қарши ўйинларда каталонияликларни анча қийнаган эди.