Хамзат Чимаев Алекс Перрейра билан жанг қилади, агар...

Ярим оғир вазнда UFC чемпиони Магомед Анкалаевнинг мураббийи Сухраб Магомедов чеченистонлик Хамзат Чимаев ва бразилиялик Алекс Перрейра ўртасидаги эҳтимолий жанг ҳақида гапирди.

"Чимаев ярим оғир вазнга кўтарилиши мумкин. Бу ҳақда унинг ўзи айтиб ўтди. Агар Анкалаев билан реваншда бразилиялик ғалаба қозонса, Хамзат Перрейрага қарши октагонга кўтарилмоқчи. Ўйлашимча, Алекс "стойка"да ундан кучлироқ, бироқ чечен курашда ўзини анча яхши ҳис қилади. Кўрамиз, воқеалар ривожи қай тарзида кечар экан!", — дея мураббийнинг сўзларини келтирди "MMA.Metaratings.ru" сайти.

Эслатиб ўтамиз, Магомед Анкалаев ва Алекс Перрейра ўртасидаги реванш 5 октябрь куни "UFC 320" турнирида бўлиб ўтади.