Vladislav Tseytlin JCh-2022 saralash bahsida hakam nazoratchisi sifatida ishlaydi

Jumladan, 6 iyun kuni Laos terma jamoasi o‘z maydonida Bangladeshni qabul qiladi. Mazkur o‘yinda O‘FA Hakamlar va nazoratchilar departamenti etakchi mutaxassisi Vladislav Tseytlin hakam nazoratchisi bo‘lib ishlaydi. Bu haqda tashkilot rasmiy sayti xabar bermoqda.

Vladislav Tseytlin shu yilning 14-18 fevral kunlari Malayziyaning Kuala-Lumpur shahrida Osiyo futbol konfederatsiyasi tomonidan hakamlar nazoratchilari va instruktorlar uchun tashkil qilingan o‘quv kurslarida tahsil olgani haqida avval xabar berib o‘tgandik.

Laos - Bangladesh uchrashuvini xitoylik hakam Xo Vay Sin boshqaradi. Unga qanotlarda Amarjit Sarao va Yuk Lo Min yordam berishadi. To‘rtinchi hakam Lau Fon Xei.