"Валенсия" етакчиларидан бири сафга қайтди
“Валенсия” клуби вингери Денис Черишев жароҳатидан соғайиб сафга қайтди. Бу ҳақда клуб расмий сайти хабар тарқатмоқда.
Юқоридаги манбаага кўра 29 ёшли россиялик футболчи сон мушакларидан олган жароҳатидан тўлиқ фориғ бўлган ва умумий гуруҳ машғулотларига қўшилган. Айтиш керакки, у 3 ҳафта даволанди.
Маълумот учун, Черишев жорий мавсум “Валенсия” сафида 16 та ўйинда майдонга тушди ва ўз ҳисобига 2 та гол ҳамда 1 та голли узатма ёздириб қўйишга эришди.
Комментарии