Uzoq tanaffusdan so‘ng...

Ayni damda terma jamoalarning o‘yinlari bois chempionatimizda qisqa tanaffus yuzaga kelgan.

Ushbu tanaffusdan klublar unumli foydalanishga harakat qilmoqda. "Qo‘qon-1912" futbolchilari Qo‘qon shahrida keyingi uchrashuvga jiddiy tayyorgarlik ko‘rishmoqda. Kecha Baxtiyor Ashurmatov shogirdlari "Markaziy"da mashg‘ulot o‘tkazishdi. Bu haqda klub matbuot xizmati xabar berdi.

Mashg‘ulotlarda jarohatidan foriq bo‘lgan Suhrob Berdiev va Muzaffar Abdullaev ham ishtirok etishdi. Berdiev uzoq vaqt jarohatini davolash bilan band bo‘ldi va futbolchi endi-endi mashg‘ulotlarga qo‘shildi.

Shuni qayd etish kerakki mashg‘ulot yakuniga etgach, klub rahbarlari va futbolchilar ishtirokida "Biz irqchilikka qarshimiz" mavzusida yig‘ilish bo‘lib o‘tdi.