Усик-Уайлдер жанги ғолиби ким бўлади? Рой Жонс жавоб берди

Бокс оламининг тирик афсонаси ҳисобланувчи Рой Жонс Александр Усик(20-0,13 KO) ва Деонтей Уайлдернинг (43-2-1,42 KO) эҳтимолий жанги борасида сўз юритди.

"Бу яхши баҳс бўлади. Ким ғалаба қозонади? Тўғриси, билмадим. Назаримда Усик, бироқ нима бўлган тақдирда ҳам бу яхши жанг бўлади. Агар, Усик Уайлдернинг зарбасини кўтара олса, ғалаба қозонади. Айни дамда, бу ажойиб қарама-қаршилик, бунақасини биз ҳали кўрмаганмиз. Шубҳасиз, ёрқин томоша бўлади",- деди Жонс.