Ushbu yozning eng katta transferlaridan biri amalga oshadimi yoxud Osimxen atrofida nimalar bo‘lmoqda?

Ancha vaqtdan beri "Napoli" Viktor Osimxen transferidan katta pullar ishlab olishni o‘z oldiga maqsad qilib keladi. Klub unga 110 million evrolik tovon puli belgilagan va hech qanday jamoa bilan muzokaralar olib borishni istamadi.

Qaror qabul qilingan: Kim futbolchini o‘z tarkibida ko‘rishni istasa, 110 million evroni neapolliklar hisobiga o‘tkazib berishi kerak bo‘ladi. Hujumchini qo‘lga kiritishni boshqa iloji yo‘q. Bu esa Osimxenni sotib olishni qiyinlashtirdi va Evropadan yoz davomida hech kim taklif bilan chiqa olgani yo‘q. Transfer oynasi yopilishiga oz qolganidan esa ikkita klub bu transfer ustida faol ishlamoqda.

"Chelsi"

Hatto "Aristokratlar" ham uni ayni paytda sotib ololmaydi. London klubi Viktorni xarid qilish majburiyati bilan ijaraga olishga harakat qilmoqda.

Hozir klubdan Italiyaga agentlar etib kelishgan va "Napoli" bilan faol muzokaralar olib borishmoqda. Shu bilan birga, ular Osimxen bilan maoshni ham kelishib olishga harakat qilyapti. Agarda rahbariyat bilan kelishuv amalga oshsa, futbolchining "Chelsi"ga transferi katta ehtimo bilan o‘xshagan bo‘ladi. 

"Al-Ahli"

Riyoddan ham agentlar Italiyada bo‘lib turishibdi va ular bilan ham to‘g‘ridan-to‘g‘ri muzokaralar ketmoqda. Saudiyaliklarning taklifi 68 million evroga teng. Bu "Napoli"ni qoniqtiradi. Sababi, ayni payt klub 110 million evro talab qiladigan ahvolda emas. Futbolchiga esa 4 yillik shartnoma va 160 million evrolik maosh taklif qilindi. "Al-Ahli" birinchi italiyaliklar, keyin esa 25 yoshli hujumchi bilan kelishib olishni maqsad qilgan. 

"Napoli"ga endi farqi yo‘q. Jamoa Osimxen o‘rniga Romelu Lukakuni olib keldi. Bu transfer uchun "Chelsi"ga 30 million evro to‘landi va strayker bilan 3 yillik bitim imzolandi. Antonio Konte sobiq shogirdini Viktorga o‘rinbosar sifatida ko‘rmoqda.