Кападзе Индонезия ҳақида: "Мен тайёрман ва кутяпман"

Тимур Кападзе Ўзбекистон терма жамоасини тарк этганидан сўнг унинг кейинги фаолияти борасида кўплаб миш-мишлар чиқмоқда. Мураббийга шунингдек, Индонезиядан ҳам таклиф бўлаётгани ҳақида хабарлар мавжуд. 

Яқинда индонезиялик журналист Эффенди Газали Кападзе билан интервью олишга муваффақ бўлган ва ундан ушбу таклиф ҳақида сўраган. 

"Мен Индонезия ва унинг халқини яхши кўраман. Қўллаб-қувватлаганингиз учун раҳмат. Кўплаб мухлислар менга Индонезия таклифини қабул қилишимни ва терма жамоага бош мураббий бўлишимни сўраб ёзишди".

Шунингдек, Кападзе агар расмий таклиф келса, буни қабул қилиши мумкинлигини ҳам айтган. 

"Мен кутяпман, тайёрман. Худо хоҳласа, чунки ҳозир мен бўшман ва фақатгина кутяпман".

Маълумот учун, Индонезия терма жамоасини бундан олдин Патрик Кльюверт бошқарди ва жамоа Жаҳчон чемпионатига чиқа олмаганидан кейин ўз лавозимидан озод қилинди.