Улар ҳеч қачон Роналду ва Мессига етолмайди

“Бавария” ҳужумчиси Роберт Левандовски янги авлод тўпурарлари – Килиан Мбаппе ва Эрлинг Холанд бир неча йилдан бери ўзаро рақобатлашиб келаётган Лионель Месси ва Криштиану Роналду даражасига чиқишига ишонмаяпти.

Польшалик футболчининг айтишича, улар жаҳон футболида узоқ йиллар давомида етакчилик қила олмайди.

- Яқин 2-3 йил ичида Мбаппе ва Холандни қувиб ўтадиган ҳужумчилар чиқиши мумкин. Мен бу икки ҳужумчи худди Роналду ва Месси сингари узоқ йиллар жаҳон футболида етакчилик қилишини бир сония ҳам тасаввур қила олмайман. Яқин 10 йил ичида жуда кўп ўйинчилар дунёнинг энг зўр футболчиси бўлиш учун курашади, - дейди Роберт Левандовски.

Таъкидлаш жоизки, кўпчилик мухлису мутахассислар Месси ва Роналдудан кейин айнан Мбаппе ҳамда Холанд узоқ йиллар тўпурарлик, совринлар жамғариш борасида ўзаро рақобатлашишини тахмин қилмоқда.