Ukrain jurnalistlari ta’biri bilan aytganda "Tyomnaya loshadka"ni kutib olishga tumonat odam yig‘ildi

6 oktyabr kuni poytaxtimizda tashkil etilgan professional boks oqshomining markaziy jangida hamyurtimiz ukrain bokschilarining ta’biri bilan aytganda “Tyomnaya loshadka” ya’ni Jamshidbek Najmiddinov WBCning Sharqiy Evropa hamda MDH mamlakatlari chempionlik kamari uchun bo‘lgan to‘qnashuvda gruziyalik Jorji Xutsishvilini birinchi raundda nokautga uchratib, mazkur chempionlik kamarini qo‘lga kiritgan edi.

Ushbu bokschimiz  o‘zi tug‘ilib o‘sgan Andijon viloyati Paxtaobod tumanida tantanali ravishda kutib olindi. U Paxtaobod tumanining bir qator mutasaddi insonlari bilan ham uchrashgan. Jumladan tuman hokimi Mahmudjon Bozorov shaxsan o‘zi kutib olish tadbiriga bosh-qosh bo‘lgan.

Jamshid Najmiddinov bunday yuksak e’tibordan juda mamnun ekanligini, kelajakda yanada nufuzli natijalarni qayd etishiga harakat qilishini bildirdi.