Угарте "Манчестер Юнайтед"нинг АПЛ ва Европа лигасидаги натижаларини баҳолади

"Манчестер Юнайтед" ярим финалда "Атлетик"ка қарши Европа лигасида ўйнайди, аммо АПЛда жамоа 14-ўринда жойлашган.

"Энг катта фарқ – бу жисмоний тайёргарлик. Европа лигасида ўзимизни анча яхши ҳис қилдик.

Бош мураббий айтганидек, АПЛда бизда имкониятлар бўлган ўйинлар бўлди, лекин улардан фойдаланмадик. Кичик деталлар туфайли очколарни йўқотдик. Биз айнан шу жиҳатларга эътибор қаратишимиз керак.

Европа лигасида биз жуда-жуда жамланганмиз. АПЛда ҳам худди шундай ўйнашимиз керак" – дея таъриф бериб ўтди уругвайлик футболчи. 

Маълумот ўрнида, бугунги беллашув 00:00 да старт олади.