УЕФА "Реал", "Барселона" ва "Ювентус"нинг ЕЧЛдаги ўрнини қайси клубларга беради?

УЕФА ҳали ҳам Европа Суперлигаси ғоясидан воз кечмаётган "Реал", "Барселона" ва "Ювентус"ни янги мавсумда Чемпионлар лигасидан четлатмоқчи.

COPE нашрининг хабар беришича, УЕФА юқоридаги клубларнинг ЕЧЛдаги ўрнини эгаллайдиган жамоаларни ҳам аниқлаб қўйган. Агар у ҳолат юз берса, “Реал”, “Барселона” ва “Ювентус”нинг ўрнига Чемпионлар лигасида "Реал Сосьедад", "Бетис" ва "Наполи" иштирок этиши мумкин. Ушбу клублар жорий мавсум Ла Лигада 5- ва 6-ўринларни, “Наполи” эса А Серияда 5-ўринни эгаллади.

Бундан ташқари УЕФА "Ювентус", "Барселона" ва "Реал" клубларини катта миқдорда жаримага тортмоқчи. Хабар қилинишича, клублар бундай қарорга рози эмас ва бу борада Спорт арбитраж судига УЕФА устидан арз қилишга тайёр.

Эслатиб ўтамиз, барбод бўлган Европа Суперлигаси ғояси “Реал” президенти Флорентино Перес ҳамда “Ювентус” президенти Андре Аньелли томонидан ўйлаб топилган эди.