УЕФА ҳамон Исроилни халқаро турнирлардан четлатишни қўллаб-қувватламоқда

УЕФА келаси ҳафта Исроил бўйича қарор қабул қилади. Ижроия қўмитасининг аксар аъзолари Исроилни турнирлардан вақтинча четлатишни қўллаб-қувватламоқда. 

Аввалроқ, БМТ'нинг саккиз нафар эксперти ФИФА ва УЕФАни Фаластинда давом этаётган геноцидга жавобан Исроил терма жамоаси фаолиятини тўхтатишга чақирганди. 

Чоршанба куни УЕФА Исроил жамоаларининг фаолиятини таъқиқламаслиги ҳақида хабарлар пайдо бўлди. Бу АҚШ ва баъзи футбол расмийлари томонидан қўллаб-қувватланди. 

"The Times" нашрининг ёзишича, УЕФА ижроия қўмитаси аъзоларининг мутлақ кўпчилиги Исроилни четлаштиришни қўллаб қувватламоқда. УЕФА бу масала бўйича қарорни келаси ҳафта қабул қилиши кутилмоқда.