Turman: "Tszyu uyiga ko‘z yoshlari bilan boradi"

Yarim o‘rta vazn toifasida sobiq jahon chempioni Kit Turman(29-1, 22 KO) 30 mart kuni Las-Vegasda bo‘lib o‘tadigan birinchi o‘rta vaznda WBA chempioni Tim Tszyu(23-0, 17 KO)ga qarshi bo‘lajak jangdan nimalar kutayotgani haqida gapirdi:

“U juda sekin harakat qiladi. Men Timni ringning markazida kutib olaman va uni ko‘z yoshlari bilan uyiga qaytaraman. Balki u mening janglarimning videolarini tomosha qilgandir, lekin bizning to‘qnashuvimizda uni nima kutayotganini bilmaydi. Tszyu shartnoma imzoladi, lekin nima qilganini tushunmadi”, – dedi Turman matbuot anjumanida.