Турк клуби 60 та учрашувдан иборат мағлубиятлар сериясини тўхтатди

Футбол бўйича Туркия чемпионатининг иккинчи дивизионида спорт оламида деярли учрамайдиган воқеа юз берди.

“Йени Малатьяспор” жамоаси 60 та учрашувдан иборат мағлубиятлар сериясини тўхтатишга эришди. Иккинчи дивизионнинг олтинчи турида бу жамоа рақиб “Анқара Демирспор” билан 1:1 ҳисобида дуранг ўйнади.

Шу тариқа, “Йени Малатьяспор” 974 кун деганда илк очкосини қўлга киритди. Бу жамоа охирги очкосига 2023 йилнинг 29 январида биринчи лигада “Эюпспор”ни 2:1 ҳисобида енгганида эга бўлганди.

“Йени Малатьяспор” Туркия чемпионати иккинчи дивизионида -35 очко билан охирги поғонада бормоқда. ФИФА ташкилоти бу клубни молиявий фирибгарлик учун жазога тортиб, мавсум олдидан жамоадан 36 очко олиб ташлаган.

Қизиғи шундаки, “Йени Малатьяспор” 2021-2022 йилги мавсумда Суперлигада ўйнаб, чемпионат якунига кўра, қуйи лигага тушиб кетган эди.