Turk futbolchisi zilzila ostida qoldi

Turkiyadagi zilziladan keyin "Yeni Malatyaspor" darvozaboni vayronalar ostida qoldi. 28 yoshli posbonni xarobalar ostidan topib bo‘lmadi.

Ahmet Eyup Turkaslan zilzila vayron bo‘lgan binoda edi. Uning rafiqasi qutqarilgan, biroq futbolchi haligacha topilmagan.

Ma’lum bo‘lishicha, qidiruv-qutqaruv ishlari davom etmoqda. Klub matbuot xizmati Turkaslanning suratini e’lon qildi va "Biz siz bilan!" deb yozdi.

Eslatib o‘tamiz, avvalroq Turkiyadagi zilzila tufayli barcha sport tadbirlari to‘xtatilgan edi.