ЦСКА мураббийлик лавозими учун Спаллети ва Консейсау вариантларини ҳам кўриб чиқмоқда

ЦСКА бош мураббий лавозимига бир неча машҳур европалик мутахассисларни кўриб чиқмоқда. Бу ҳақда "Bobsoccer" нашри хабар берди.

Манбага кўра, клуб Португалия, Испания, Италия ва бошқа мамлакатлардан бир қатор мураббийлар билан мулоқот олиб борган. Жумладан, ЦСКА раҳбарияти қуйидаги номзодлар билан алоқа ўрнатган:

Лучано Спаллетти (Италия терма жамоаси бош мураббийи)

Франческо Фарьоли (футбол услуби билан машҳур мутахассис)

Сержиу Консейсау (собиқ "Порту" мураббийи)

Паулу Бенту (Жанубий Корея ва бошқа жамоаларда ишлаган мутахассис)

Шунингдек, ЦСКА раҳбарияти Карел Герартс билан мулоқотда у энг мослашувчан ва замонавий ёндашувга эга мутахассис сифатида кўрингани қайд этилган. У билан яқин кунларда юзма-юз учрашув режалаштирилган.

Аввалроқ италиялик Фабио Каннаваро номзоди ҳам муҳокама этилгани ҳақида хабарлар тарқалган эди.

Эслатиб ўтамиз, жамоанинг собиқ бош мураббийи Марко Николич яқинда клубни тарк этган. ЦСКА янги мураббий тайинлаш орқали янги мавсумда кучли рақобатга қайтишни мақсад қилмоқда.