"Tottexem" MYu futbolchisini harid qilmoqchi emas

Angliya matbuoti xabariga ko‘ra, "Manchester Yunayted" yarim himoyachisi Nemanya Matich yanvardagi transfer oynasi vaqtida "Tottexem"ga qo‘chib o‘tmaydi.

Oldinroq, 31 yoshli serbning sobiq ustozi Joze Mourino "shporlar" boshqaruviga kelganidan so‘ng, u london klubiga transfer qilinishi mumkinligi haqida xabarlar tarqalgan edi.

Joriy mavsumda asosiy tarkibdagi joyini yuqotib qo‘ygan Matich, bosh murabbiy ishonchini qaytara ololmayapti. Norvegiyalik markaziy yarim himoyada Fred va Skott Maktominayni foydaliroq deb hisoblamoqda.

Mavsum yakunida shartnomasi yakunlanadigan futbolchiga qiziqish bilidirayotgan klublari ichida "shporlar"dan tashqari "Inter" va "Atletiko" nomlari ham keltirilmoqda.