"Tottenxem"ga Dele Alli kutgan inson keldi

Yaqindagina "Tottenxem" klubi boshqaruvini o‘z qo‘liga olgan Antonio Konte jamoaning angliyalik yarim himoyachisi Dele Alli haqida gapirdi.

“Chelsi”dagi kunlarimni juda yaxshi eslayman, o‘shanda biz ketma-ket 13 g‘alabali seriyaga erishganmiz, keyin esa Dele Alli dubl qayd etib, seriyamizni to‘xtatgandi. Biroq, bu allaqachon o‘tmishda qoldi. Dele, albatta, katta salohiyatga ega va jismonan kuchli. Men unga o‘z iqtidorini ko‘rsatishi uchun imkoniyat beraman.

Men “Tottenxem”ning har bir futbolchisiga ochiqman, asosiysi, ular menga maydonga tushish imkoniyatiga munosib ekanliklarini isbotlashlari shart”, - dedi Konte.