"Тоттенхэм" ҳимоячиси ёзда "Наполи"га кўчиб ўтиши мумкин

"Тоттенхэм" клуби ҳимоячиси Киран Триппьер "Наполи"нинг қизиқишлар доирасига кириб қолди.

Италия нашрлари тарқатган хабарга кўра 28 ёшли англиялик футболчи яқинлашиб келаётган ёзги трансферлар даврида неапполликлар сафига кўчиб ўтишга жуда яқин турибди.

Маълумот учун, Триппьер жорий мавсум “Тоттенхэм” сафида жами 39та ўйинда майдонга тушди ва 1та гол уришга эришди. Transfermarkt талқини бўйича унинг трансфери 31,5 млн еврога баҳоланмоқда.