"Тошкент опен" ғолиби ҳам Майамида енгилди

Россиялик теннисчи Маргарита Гаспарян Флорида штатида ўтаётган "Miami Open" турнирининг иккинчи даврасига чиқа олмади.

Майами шаҳридаги кортларда ўтаётган мазкур мусобақада Маргарита франциялик Полин Парментье билан уч сет рақобатлашиб, якунда 6:4, 1:6, 6:7 ҳисобида имкониятни бой бериб қўйди.

Энди Парментье "Премьера" туркумидаги турнирнинг иккинчи даврасида бельгиялик Элизе Мертенс билан куч синашади.