Тўпурар ҳужумчи учун "Арсенал" ҳам курашга қўшилди

"Арсенал" жорий мавсумда Премьер-лигада марказий ҳужумчи вариантлари йўқлигини чемпионлик учун курашда муваффақиятсизликка учрашига сабаб деб ҳисоблайди. Клуб 2025-26 йилги мавсум олдидан бу муаммони ҳал қилишга қарор қилди. "Арсенал" мавсум охирида "Спортинг" ҳужумчиси Виктор Дьёкерешни сотиб олишга жиддий қизиқиш билдирмоқда. Бу ҳақда "Caught Offiside" нашри хабар берди.

Манба маълумотларига кўра, ҳужумчига "Манчестер Юнайтед" ва "Ливерпуль"дан қизиқиш катта. Шунга қарамай швециялик футболчини қўлга киритиш учун "Арсенал" асосий даъвогар бўлиб турибди. Аввалроқ, футболчининг "Арсенал"га ўтишни маъқул кўриши хабар қилинганди. "Тўпчилар" ҳужумчи вакиллари билан шахсий шартлар бўйича музокаралар олиб бормоқда. "Арсенал" Виктор билан беш йиллик шартномага эга чиқиш учун 9 миллион фунт стерлинг маош таклиф қилишга тайёр.

Маълумот учун, жорий мавсумда Виктор барча мусобақаларда 50 та ўйинда иштирок этиб, 52 та гол урди ҳамда 13 та голли узатмани амалга оширди. Дьёкерешнинг "Спортинг" билан тузилган амалдаги шартномаси 2028 йилнинг 30 июнига қадар амал қилади. Швециялик футболчининг Трансфермарктдаги нархи 75 миллион еврога баҳоланмоқда.

Абдималик Эронқулов