Терма жамоамизни бугун Осиё кубоги саралаши доирасида муҳим учрашув кутиб турибди

Хабарингиз бор, Ўзбекистон Миллий терма жамоаси Осиё кубоги йўлланмаси учун кураш олиб бормоқда. Илк турда ҳамюртларимиз Шри-Ланкага қарши майдонга чиқди ва йирик 3:0 ҳисобида рақибдан устун келди. 

Вакилларимизни бугун Малдив Оролларига қарши муҳим беллашув кутиб турибди. Айни вақтда Таиланд ва Ўзбекистон ҳисобида 3 очко мавжуд. Шри-Ланка ва Малдив Ороллари ҳисобида ҳозирча очко йўқ. 

Қайд этиш лозим, ўз гуруҳида 1-ўринни қўлга киритган терма жамоа 2023 йилда Хитойда бўлиб ўтадиган Осиё кубогига йўлланмани нақд қилади.