Temur Kapadze: "Hozirgi tarkibimiz Qatardan kuchli"

JCh-2026 saralashi doirasidagi O‘Zbekiston - Qatar bellashuv oldidan terma jamoamiz bosh murabbiyi Temur Kapadze va jamoa sardori Eldor Shomurodov matbuot anjumanida ishtirok etdi.

- Birinchi navbatda barchani g‘alaba bilan tabriklaymiz. Ertaga bizni yana bir muhim bahs kutmoqda. Ushbu bellashuvda ham yaxshi natijaga erishib, saralashni ajoyib natijalar bilan yakunlashga harakat qilamiz.

- Jamoada kayfiyat yaxshi. Jarohatlar har doim bo‘lib turadi. Ertangi o‘yinda bu omillar ta’sir o‘tkazmaydi degan umiddamiz.

- Oston O‘runov va Otabek Shukurovda  jarohatlar bor. Holatga qaraymiz, agar Shukurovning holati yaxshi bo‘lsa, u maydonga tushishi mumkin.

- Biz kutgan natijamizga erishdik, biroq har bir bahsda bosim bo‘ladi. Shuning uchun ertangi bellashuvni yaxshi natija bilan yakunlashga va ushbu bayramni muxlislar bilan birgalikda nishonlashga qo‘ldan kelgancha harakat qilamiz.

- Jamoadagi hozirgi sxema ancha muddatdan beri shakllanib kelgan. Ba’zi bir qismlarga o‘zgartirish kiritdik,  kamchiliklarni to‘ldirdik va qiyin vaziyatdan chiqib keta oldik.

- Qatarga qarshi so‘nggi bellashuvlar jamoaga qiyinchilik tug‘dirdi. Jumladan, Osiyo kubogi va saralash doirasining birinchi davrasida jamoamiz raqiblarga imkoniyatni boy berdi. Biroq, ishonch bilan ayta olamanki hozirgi jamoa Qatardan kuchli.