Тайсон Бразилия клуби билан шартнома имзолади

“Шахтёр”ни можаролар туфайли тарк этган ҳужумкор ярим ҳимоячи Тайсон фаолиятини ватанида давом эттирадиган бўлди.

33 ёшли бразилиялик футболчи “Интернасьонал” клуби билан шартнома имзолади. Клуб расмий сайтининг хабар беришича, томонлар 2 йиллик битимга имзо чеккан.

Тайсон 2013 йилдан буён “Шахтёр” шарафини ҳимоя қилиб келаётган эди. У ўтган давр мобайнида донецкликлар сафида жами 299 та ўйин ўтказди ва ўз ҳисобига 55 та гол ҳамда 78 та голли узатма ёздириб қўйди.

Тайсон “Шахтёр” сафида 6 марта Украина чемпионатида зафар қучди. Бундан ташқари, 5 карра мамлакат кубоги ва 4 карра мамлакат суперкубоги соҳиби бўлди.